ஓ., மங்கையரே..!

– உண்மைகள்

ஓ., மங்கையரே..! இஸ்லாத்தில் தடை என்ன ..?

ஓ., மங்கையரே..! இஸ்லாத்தில் தடை என்ன உங்களுக்கு..?

பொதுவாக இஸ்லாத்தில் மகளிர் நிலை குறித்து உலகம் கொண்டிருப்பது குருட்டுப் பார்வை..! ஆனால், இஸ்லாமிய மகளிர் சட்டங்களோ ஒரு அழகிய கோர்வை..!! அது குறித்த சரியான நடுநிலை பார்வையே அறிவுஜீவிகளுக்குத் தேவை..!!

இஸ்லாத்தில் மகளிர் வேலைக்கு செல்ல தடையில்லை.
அப்படி வேலைக்கு சென்று சம்பாதித்தாலும் அதை குடும்பத்திற்கு செலவழிக்க வேண்டிய கடமை அவர்களுக்கு கிடையாது.

இஸ்லாத்தில் மகளிர் வெளியே செல்ல தடையில்லை.
இஸ்லாத்தில் மகளிர் கல்வி கற்க தடையில்லை.
இஸ்லாத்தில் மகளிர் வாகனம் ஓட்டுவதற்கு தடையில்லை.
இஸ்லாத்தில் மகளிர் pளையாட்டில் பங்குகொள்ள தடையில்லை.
இஸ்லாத்தில் மகளிர் கணவனை தேர்ந்தெடுக்க உரிமை உண்டு.
இஸ்லாத்தில் மகளிருக்கு சொத்துரிமை உண்டு.
இப்படி பட்டியலிட்டுக்கொண்டே போகலாம்..!

இஸ்லாத்தில் மகளிரின் முன்னேற்றத்திற்கு எந்த தடையுமில்லை இஸ்லாம் சொல்வது ஒன்றே ஒன்றுதான்:- ஆண்கள் தான் பெண்களை நிர்வகிக்க வேண்டும் என்பதே, அது! இது இஸ்லாத்தில் இல்லாத மக்களும் பின்பற்ற கூடிய ஒன்றுதானே.,!இது தான் எதார்த்த உலகத்தில் நாம் அன்றாடம் பார்ப்பது.,!இதில் விமர்சிக்க என்ன இருக்கிறது…?

முஸ்லிம்கள் செய்யும் தவறுகளுக்கு இஸ்லாத்தை குறைகூறுவது சரியா, என்ன..?இஸ்லாத்தின் சட்டதிட்டங்களை அறியாமல், புரியாமல், அல்லது படிக்காமல் யாரேனும் ஏதும் செய்தால் அவர்கள் தவறு செய்திருக்கிறார்களே தவிர, இஸ்லாம் அவர்களுக்கு எந்த தீங்கையும் செய்யவில்லை.
பெண்களும்–ஆண்களும் சமம் அவர்களை வேறுபடுத்தி பார்க்ககூடாது என்று போலியாக கோஷம் போடுபவர்களிடம் நாம் சில கேள்விகளை முன்வைக்கிறோம்..
1. இயற்கையாகவே ஆணுக்கும், பெண்ணுக்கும் மூளையிலேயே வித்தியாசம் இருக்கிறது என்கிறது இன்றைய அறிவியல்.,! இதற்கு நீங்கள் யாரை குறை கூறப்போகிறீர்கள்..?
2. சரி ஆணும், பெண்ணும் சமம் என்கிறீர்கள் அப்படியானால் விளையாட்டுப் போட்டிகளில், ஒன்றாக விளையாடவிட்டு பார்க்க வேண்டியது தானே..!
கிரிக்கெட், கால்பந்து, டென்னிஸ் என்று எதை எடுத்துகொண்டாலும் ஏன் தனிதனியாக நடத்துகிறீர்கள் அனைவரும் சமம் அல்லவா ?
3. ஆணும், பெண்ணும் சமம் – பிறகு எதற்கு ஆண்களுக்கும், பெண்களுக்கும் தனி தனி கழிவறைகள் ? எதற்கு தனி தனி உடைகள்..?
4. எனவே, உங்களுக்கு தேவையானதை, சரி என்று பட்டதை நீங்கள் சரி காணுவீர்கள் மற்றதை கண்மூடித்தனமாக எதிர்ப்பீர்கள் அப்படித்தானே ?
5. ஆண்கள் –பெண்கள் சமம் பிறகு ஏன் ? சினிமாவில், பொதுவாழ்வில் பெண்களுக்கு மட்டும் அரைகுறை ஆடை – ஆண்களுக்கு கிடையாதா ? ஏன் பாரபட்சம் ?
6. ஆமாம்! ஏன், ஆண்கள் பிள்ளை பெற்றுக் கொள்வதில்லை? இது பெண்களுக்கு நிகழ்த்தப்படும் கொடுமையல்லவா ? ஆண்கள் மட்டும் என்ன உயர்ந்தவர்களா, என்ன? இன்றைய அறிவியல் வளர்ச்சியில் எல்லாமே சாத்தியமாமே, செய்து காட்டுங்களேன் !

இன்னும் கேட்டுகொண்டே போகலாம் ஆனால் பதில்கள்தான் வருவதில்லை..! இஸ்லாத்தை விமர்சிக்கும் அத்தனை அறிவுஜீவிகளும் அறிந்துகொள்ளுங்கள்:- நீங்கள் உங்கள் பார்வையில் இஸ்லாத்தில் குறைகளை கண்டால் அதை சமூகத்தில் முன்வைப்பதற்கு முன் முதலில் நீங்கள் அதற்கான சிறந்த தீர்வை கொண்டு வாருங்கள். அதாவது – இது இஸ்லாத்தில் தவறு.., இப்படி இருந்தால் தான் சரி என்று தீர்வோடு வாருங்கள். வீணாக விதண்டாவாதம் செய்து நேரத்தை வீணடிக்காதீர்கள்..!